Մամուլ

«Ժողովուրդ»․ Որոշվել է հնարավորինս արագ ավարտել ԱԺ նիստերի օրակարգը

«Այսօր խորհրդարանում մեկնարկում է հերթական նստաշրջանը, և երեկ ԱԺ խորհրդի նիստում հաստատվել է օրակարգը: «Ժողովուրդ» օրաթերթի տեղեկություններով՝ ներսում որոշում է կայացվել, որքան հնարավոր է, արագ ավարտել նիստերի օրակարգը՝ հաշվի առնելով արտակարգ դրությունը և այն հանգամանքը, որ դահլիճում մեծ թվով մարդիկ են ներկա լինում:

Եվ «Ժողովուրդ» օրաթերթի տեղեկություններով՝ նաև զրույցների ժամանակ պատգամավորներին հորդորել են օրակարգը շատ հարցերով չծանրաբեռնել: Ընդ որում, «Իմ քայլը» խմբակցությունն այս հարցը քննարկել էր դեռ խմբակցության մարտի 21-ին կայացած նիստում:

«Ժողովուրդ» օրաթերթի տեղեկություններով՝ անգամ ԱԺ խորհրդի երեկվա նիստն է մի քանի րոպե տևել, ԱԺ նախագահ Արարատ Միրզոյանը միայն ներկայացրել է հերթական նիստերի օրակարգը, որը հաստատվել է առանց հարցերի կամ ելույթների:

Հավելենք, որ այսօրվա նիստի օրակարգում լինելու են երկրորդ ընթերցմամբ քննարկվող նախագծեր, որոնց քննարկումը հիմնականում ժամանակատար չէ:

Խորհրդարանի քննարկվող միակ նախագիծը, որը կարող է երկար քննարկվել, «Հայաստանի Հանրապետության դատական օրենսգիրք» սահմանադրական օրենքում փոփոխություններ և լրացումներ կատարելու մասին նախագծի փաթեթն է, որը ստացել է վեթինգի նախագիծ անվանումը»,-գրում է թերթը:

Նյութն ամբողջությամբ կարդացեք թերթի այսօրվա համարում։

Կարդացեք նաև

Փաշինյանը պաշտոններ կառաջարկի՞ իր հետ համերաշխ ուժերին. «Հրապարակ»

superuser

Նաիրա Զոհրաբյանի նկատմամբ «Իմ քայլի» հաշվեհարդարը շարունակվում է. «Հրապարակ»

superuser

Վարչապետին պետք է փայ հանել. ՉԻ

superuser