Մեզ գրում է մեր հայրենակցուհի, ԱՄՆ Լոս-Անջելեսի Բըրբանք քաղաքում բնակություն հաստատած Լիլիթ Ավետիսյանը: Նա իր նամակում մասնավորապես ասում է.
– «Նունե Սիմոնյան» բժշկական օֆիսի մանկաբույժ Նունե Սիմոնյանը երկար տարիներ աշխատում է մանկահասակ տարիքի երեխաների հետ: Իսկ ինչպես հայտնի է փոքրիկների հետ աշխատանքը ամենադժվարինն ու պատասխանատուն է, և պահանջում է առաջին հերթին գտնել երեխայի սիրտը տանող ճանապարհը: Փոքրիկները փորձառու բժշկուհուն վստահում են հենց առաջին հանդիպումից, վստահում են անվերապահորեն:
Երբ հանգամանքների բերումով ճանաչեցի բժշկուհի Նունե Սիմոնյանին, հասկացա, որ երեխայիս առողջությունը վստահելի ձեռքերում է:
Բարի, հոգատարար, իր գործի նվիրյալ մասնագետը ջանք ու եռանդ չի խնայում իրեն դիմող բալիկների բուժումը արդյունավետ կազմակերպելու համար: Երախտիքի խոսքերը քիչ են՝ արտահայտելու այն, ինչ զգում է յուրաքանչյուր ծնող՝ սիրելի փոքրիկի ապաքինումը հուսալի ձեռքերում տեսնելով։
Սիրելի Նունե Սիմոնյան, Դուք մեր երեխաներին տալիս եք լավագույնը՝ Ձեր սերն ու գիտելիքները, Դուք միշտ մեր կողքին եք, և գուցե պարզապես շնորհակալությունը չի արտահայտում այն, ինչ զգում եմ։
Շնորհակալությունս եմ ուզում հայտնել անսահման ջերմ ու հոգատար, մենեջեր Մելանյա Միրզոյանին, ով պատշաճորեն կազմակերպում է հիվանդների գրանցումն ու սպասարկումը, ինչը ևս բուժաշխատողների գործունեության հաջողության երաշխիք է:
Շնորհակալություն նաև ձեզ՝ բուժքույր Օֆելյա Ճաղարյան, շնորհակալություն Լիլիթ Շաբանյան:
Շնորհակալություն բոլորիդ, թող փոքրիկների երջանիկ ժպիտը լինի ձեր ամենաարժանի գնահտականը: