Պատահարներ

Սամվել Ալեքսանյանին պատկանող շաքարի գործարանի աշխատակցի մահվան գործով կա 2 մեղադրյալ-վերնագիր

ՀՀԿ-ական պատգամավոր, գործարար Սամվել Ալեքսանյանին պատկանող շաքարի գործարանում ամռանը տեղի ունեցած ողբերգական դեպքի առթիվ հարուցված քրգործի շրջանակում մեղադրանք է առաջադրվել գործարանի երկու աշխատակցի:

Ըստ մեղադրանքի՝ շաքարի գործարանի մեքենավար Գեւորգ Մխիթարյանը եւ սլաքավար Հովհաննես Խաչատրյանը հունիսի 2-ին ժ. 13-ի սահմաններում, իմացել են, որ ջերմաքարշին կցված երկու բեռնատար վագոններից մեկի վրա եղել են աշխատակիցներ Ա.Թումասյանը, Շ.Ղազարյանն և Մ. Բաղդասարյանը եւ կատարել են վագոնի հետագա բեռնման ստուգողական աշխատանքները: Մխիթարյանն ու Խաչատրյանը խախտել է տեխնիկական շահագործման կանոնների պահանջները, ինչի հետևանքով վագոնի բաց կափարիչը բախվել է բարձրության վրա գտնվող անգարի մետաղական եզրին, հարվածել վագոնի վրա գտնվող աշխատակիցներ Ա.Թումասյանին և Շ.Ղազարյանին, անզգուշությամբ առաջացրել է Ա.Թումասյանի մահը, իսկ Շ.Ղազարյանի առողջությանն անզգուշությամբ պատճառվել է առողջության կարճատև քայքայումով թեթև վնաս:

Գործարանի աշխատակիցներին մեղադրանք է առաջադրվել Քրեական օրենսգրքի 241-րդ հոդվածի 2-րդ մասով: Նրանք ստորագրությամբ ազատ են արձակվել:

Գործով նախաքննությունն ավարտվել է եւ այն ուղարկվել Շիրակի մարզի ընդհանուր իրավասության դատարան:

Ավելի վաղ հայտնել էինք, որ Ախուրյանի շաքարի գործարանում հունիսի 2-ին տեղի է ունեցել արտակարգ դեպք. Ախորյանի շաքարի գործարանի տարածքում բարձրությունից ընկնելու հետեւնանքով մարդ մարդ է մահացել: Մեկնած օպերատիվ խումբը պարզել է, որ ժամը 13:15-ին Շ.Ղ.-ն եւ Ա.Թ.-ն գտնվել են բեռնատար գնացքի վագոնի վրա, շարժվել են  անգարի ուղղությամբ, բախվել անգարին, ընկել ներքեւ, ինչի հետեւանքով Շ.Ղ.-ն մարմնական վնասվածք է ստացել, իսկ Ա.Թ.-ն՝ մահացել:

Կարդացեք նաև

Իրանում մեկ օրում գրանցված երկրորդ երկրաշարժը զգացվել է նաև Հայաստանում

Van Sedrakyan

Հրդեհ Հայանիստ գյուղում. դեպքի վայր է մեկնել մեկ մարտական հաշվարկ

Van Sedrakyan

Անտառապահը կացնով կտրել է Գանձաքար գյուղի բնակչի ականջը. անտառապահին որոնում են

Van Sedrakyan