Հայաստանում կորոնավիրուսի դեպքի հաստատումից հետո կարծես թե գրոհ սկսվեց երեւանյան խանութների, սուպերմարկետների ուղղությամբ: Մասնավորապես, մարդիկ երեկ օրվա երկրորդ կեսից հետո գրեթե դատարկել էին առևտրի որոշ կենտրոններ: Մասնավորապես, քաղաքացիները գնել էին մեծ քանակությամբ նպարեղեն, ալյուր, մակարոնեղեն, ձեթ եւ այն ամենը, ինչը կարող են երկար ժամանակ պահել տնային պայմաններում, որպեսզի խուսափեն հաճախակի տնից դուրս գալուց:
Եվ այսօր ArmLur.am-ը հարցախույզ է անցկացրել «Երևան սիթի» սուպերմակետներում՝ գնորդներից հետաքրքրվելով, թե ինչ գնումներ են կատարում, եւ արդյոք երեկվա խուճապային վիճակը դեռևս պահպանվում է:
Հիշեցնենք, որ մարտի 1-ին պաշտոնապես հայտարարվեց Հայաստանում կորոնավիրուսի վարակման դեպքի մասին, իսկ այսօր արդեն ունենք կորոնավիրուսի 9 կասկածելի դեպք: Այս պահի դրությամբ մեկ վարակված անձն Իրանից Հայաստան վերադարձած ՀՀ քաղաքացի է, որի մոտ սկզբնական շրջանում հիվանդություն չի ախտորոշվել, իսկ մեկ օր անց վերջինս դիմել է բուժկենտրոն և հաստատվել է վիրուսի առկայության փաստը։ Հավելենք նաև, որ կորոնավիրուսի հետևանքով մեկ շաբաթով դադարեցվել է Հայաստանի բոլոր ուսումնական հաստատությունների աշխատանքը։
Լիդա Եղիազարյան, Հովսեփ Հովսեփյան
Մանրամասները՝ ArmLur.am-ի տեսանյութում: