Հայաստանում կորոնավիրուսի տարածումը կանխելու նպատակով հայտարարված արտակարգ դրության պարետի որոշմամբ Հայաստանի Հանրապետության տարածք մուտք գործելու արգելքի վերաբերյալ նոր բացառություններ են սահմանվել:
ՀՀ կառավարության պաշտոնական կայքից հայտնում են, որ երկիր մուտք գործելու արգելքի վերաբերյալ բացառություն են սահմանվում նաև Հայաստանի Հանրապետության և Ռուսաստանի Դաշնության միջև ռազմական և ռազմատեխնիկական համագործակցության ծրագրի շրջանակներում պլանավորված միջոցառումներին մասնակցելու նպատակով Հայաստան ժամանող մասնագետների, պատվիրակությունների անդամների համար, Հայաստանում տեղակայված Ռուսաստանի Դաշնության 102-րդ ռազմակայանի նորանշանակ զինծառայողների, նրանց ընտանիքների անդամների, ինչպես նաև Ռուսաստանի Դաշնություն արձակուրդ մեկնած, գործուղման և բուժման մեջ գտնվող զինծառայողների համար:
Որոշումը ուժի մեջ է մտնում որոշման հրապարակման պահից: