Գերմանիայի իշխանությունները հույս ունեն, որ մինչեւ ամառ իրենց կհաջողվի կիսով չափ կրճատել ռուսական գազի ներմուծումը, իսկ մինչեւ աշուն՝ դադարեցնել ՌԴ-ից ածխի ներմուծումը: Այդ մասին, ինչպես տեղեկացնում Է «Արմենպրես»-ը, հայտարարել Է արդյունաբերության նախարար Ռոբերտ Հաբեքը: «Մենք հույս ունենք, որ մինչեւ ամառ մենք կկարողանանք կիսով չափ նվազեցնել ռուսական գազի ներմուծումը, իսկ մինչեւ աշուն մենք կկարողանանք դադարեցնել ածխի ներմուծումը Ռուսաստանից»,-Հաբեքի խոսքը մեջբերում են արեւմտյան ԶԼՄ-ները:
Նա հավելել Է, որ Բեռլինը նպատակ Է դրել ռուսական գազի ներմուծումը մինչեւ ամառ կրճատել՝ հասցնելով սպառվող ծավալի 24 տոկոսին: Դրա հետ մեկտեղ, նախարարի խոսքով, Գերմանիային արդեն հաջողվել Է Ռուսաստանից գազի ներմուծումը 55 տոկոսից նվազեցնել մինչեւ 40 տոկոս, նավթինը՝ 35 տոկոսից մինչեւ 25 տոկոս: Հաբեքը կարծիք Է հայտնել, որ ՌԴ-ից զգալի չափով ներմուծվող գազին կարելի Է փոխարինող գտնել, եւ ԳԴՀ-ն պլանավորում Է Ռուսաստանից երկնագույն վառելիք ներմուծելուց գործնականում լիովին հրաժարվել մինչեւ 2024 թվականի կեսերը, հաղորդել Է «Ինտերֆաքս»-ը: