Կարտոֆիլ և կանաչի՝ ՀՀԿ գրասենյակի դիմաց. «Երկիր Ծիրանի»-ն այսօր բողոքի ակցիա է կազմակերպել: Կուսակցության անդամները իրենց հետ տարել էին կարտոֆիլներ, որոնց վրա փակցված էին կուսակցության անդամների պատկերները և կանաչի:
Կուսակցության անդամները նշել են, որ համահայկական ընդվզում են իրականացնում: «Երկիր Ծիրանին» պահանջում է պատգամավորների հրաժարականը:
«Երկիր Ծիրանի» խմբակցության ավագանու անդամ Մարինա Խաչատրյանը կարդաց կուսակցության հայտարարությունը, որում մասնավորապես ասվում էր, որ պաշտոնական տվյալների համաձայն՝ ՀՀ-ում աղքատ է շուրջ 890 հազար քաղաքացի, շուրջ 60 հազար մարդ ծայրահեղ աղքատ է, երեք երեխաներից մեկն աղքատ է:
Բողոքի ակցիայի մասնակիցները նախատեսել էին մտնել գրասենյակ, տալ ՀՀԿ ներկայացուցիչներով փակցված կարտոֆիլը, սակայն ոստիկանական պատնեշը թույլ չի տվել: