Երբ մարդը կանգնում է առողջական լուրջ խնդիրների առաջ, և ապավինում բժիշկների օգնությանը, այդ ժամանակ միայն սկսում է հասկանալ, թե որքան կարևոր է, որ բժիշկը մասնագիտական հմտություններից զատ, օժտված լինի նաև մարդկային բարձր արժանիքներով:
Երբ հայտնվեցի թիվ 2 բուժմիավորման նյարդաբանական բաժանմունքում, չէի էլ պատկերացնում, որ հերթապահ բժշկուհին, որն այնքան երիտասարդ էր, կկարողանա օգնել դուրս գալ օրհասական վիճակից, լուծել իմ առողջական խնդիրները: Սակայն պարզվեց, որ բժշկուհի Կարինե Եղոյանը, չնայած երիտասարդ տարիքին, հասցրել է իր գիտելիքներն ու հմտությունը ի սպաս դնել առողջապահական ոլորտի իր ընտրած ուղղության մեջ, լինել կոչումով բժիշկ և առաջին հերթին բարձրագույն արժեքների կրող: Հոգատար, սրտացավ, մարդասեր, իր գործի նվիրյալ ու այս ամենի հետ մեկտեղ բառի ուղիղ իմաստով հոգեբան, ով կարողանում է գտնել նյարդաբանականխնդիրներունեցողհիվանդին նրբազգացորեն մոտենալու և նրա հետանմիջականզրույցսկսելուճանապարհը:
Ու արդեն տարիներ շարունակ իր գործի նվիրյալ բժշկուհին շարունակում է մարդասիրական առաքելությունը, շարունակում է իր ինքնատիպ աշխատաոճով առողջություն պարգևել հիվանդներին և դա կհաստատեն այն բազմաթիվ բուժառուները, ում բախտ է վիճակվել դիմել Կարինե Եղոյանին:
Հարգելի խմբագրություն, ցանկանում եմ ձեր լրատվամիջոցով երախտիքիս խոսքը ուղղել սիրելի բժշկուհուն՝ ոչ միայն մասնագիտական հմտությունների , այլև մարդկային բարձր արժանիքների համար:
Առանձնահատուկ շնորհակալություն նաև՝ Երևանի թիվ 2 բուժմիավորման տնօրինությանը՝ հանձին տնօրեն Արմեն Նազարյանի՝ Կարինե Եղոյանի նման մասնագետներ ունենալու և նրանց աշխատանքը ըստ արժանվույն գնահատելու համար:
Լիանա Մամյան