Երևանն առաջին տեղն է զբաղեցրել եվրոպական քաղաքների ցանկում, որոնց բնակիչների տոկոսային հարաբերակցությունն ամենաբարձրն է երկրի ողջ բնակչության համեմատությամբ:
Ինչպես հայտնում է բելառուսական Tut.by պարբերականը՝ ներկայացնելով գերմանական Citypopulation.de պարբերականի տվյալները, համաշխարհային ցանկում առաջատարներն են Սինգապուրը, Քուվեյթը և Բահրենը, եվրոպականում՝ Երևանը, Թբիլիսին և Աթենքը:
Նշվում է, որ ցանկում տեղ են գտել մեկ միլիոնից ավելի բնակչություն ունեցող քաղաքները: Պարբերականի տվյալներով՝ Երևանում բնակվում է Հայաստանի ողջ բնակչության 51 տոկոսը (1 500 000 մարդ), Թբիլիսիում՝ Վրաստանի ողջ բնակչության 36 տոկոսը, Աթենքում՝ երկրի բնակչության 31 տոկոսը: