Ապօրինի գույքի բռնագանձման օրինագիծը քաոսի ներուժ ունի։ Ես սա կոչում եմ հեղափոխական արդարադատություն, որովհետև դատողությունները կոնկրետ գործարքին չեն վերաբերում, դա որոշակիորեն լինելու է խնդրահարույց տնտեսության զարգացման տեսակետից, որովհետև երբևէ ներդրումները չեն գալիս այսպես ասած՝ կանաչ դաշտ, իրենք գալիս են բիզնես գործընկերոջ հետ։
Այս մասին «Պրեսսինգ» հաղորդման ժամանակ ասաց ՀՀ նախկին փոխվարչապետ Վաչե Գաբրիելյանը։
«Հիմա ներդրողը մի քանի անգամ պետք է հետազոտի, որպեսզի հասկանա, թե այն գույքը, որ իրենք առնում են, կարո՞ղ է լինել խնդրահարույց, որովհոտև եթե լինի խնդրահարույց,ապա ինչ-որ մեկը կարող է դատական հայց ներկայացնել և գույքը ծանրաբեռնել։ Գույքի շրջանառությունը, որը տնտեսության զարգացման համար կարևոր պայման է, որ ավելի լավ օգտագործողին անցնի, որոշակիորեն խաթարվելու է։ Լավ կլինի, որ եթե նման գործառույթներ լինելու են, լինեն որոշակի ժամանակահատվածում, այդ բոլոր հարցերը կես տարում, մեկ տարում լուծեն, վերջացնեն։ Այսինքն՝ իրենց օրենսդրական հիմք էր պետք, արեցին, գիծը քաշեն և ասեն՝ սրանից հետո այս գույքերն ազատ են։ Այսինքն՝ սրանից հետո դուք՝ ներդրողներդ, այդ դատողությունն արեք՝ ուզո՞ւմ եք, թե՞ չեք ուզում»,- ասաց Գաբրիելյանը։
Նրա խոսքով՝ անորոշության տարրը, որ կապված է գույքի հետ՝ շենք, հող, իրավունք, եթե տնտեսական ներդրողն իմանա, որ ինքը իրավունք է ձեռք բերել, որը կարող է վիճարկվել, այստեղ միշտ խնդիր է ի հայտ գալիս՝ ներդրողը դրան մոտիկ կգա՞, թե չի գա։
Հարցին՝ թե հիմա այս ամենը չե՞ն հաշվարկում իշխանությունները, ի վերջո սա կարող է սելեկտիվ մոտեցում լինել, բացի այդ, դա բեռ կարող է լինել պետության վրա, եթե օրինակ՝ գա այլ իշխանություն և փոփոխություն անի,սա քաղաքական գործիք չի՞ դառնալու, Վաչե Գաբրիելյանն ասաց, որ խիստ դժվարանում է այդ հարցին պատասխանել. «Նախագիծը ներուժ ունի՞ այդպես դառնալու, կդառնա՞, թե՞ ոչ Աստված գիտի»։
Դիտարկմանը, թե ՀՀ-ն փոքր երկիր է, հիմնականում հայեր են ապրում և գույքի բռնագանձումը չի՞ բերի ներքին թշնամանքի, եթե օրինակ՝ 90-ականների փաստաթղթերը, որոնք կպահանջեն, և որոնք հնարավոր է պահպանված չլինեն ու գույքը համարվի ապօրինի, Վաչե Գաբրիելյանն ասաց. «Կիկին պետք է նայենք, թե դա ինչ չափով կիրականացվի։ Եթե դա իրականացվի սելեկտիվ, համատարած, բնականաբար նշված մանրամասները կլինեն, բայց ես դժվարանում եմ ասել,որովհետև նախ դրան մանրամասն չեմ հետևել, դժվարանում եմ ասել, թե ինչ ազդեցություն կունենա։ Ես գնահատում եմ մտահոգությունները, բայց այդ օրինագիծն ունի այսպես ասած՝ քաոսի ներուժ, սակայն ներուժ ունենալն ու ամբողջովին այդպես բացահայտվելը տարբեր բաներ են։Եթե գանք դրան, որ դա տնտեսական է, թե ոչ, բնականաբար, երբ խոսում ենք գործողությունների մասին, ապա արդարության զգացումը պետք է հասարակությունն ունենա,որ լինի կուռ, համախմբված, և պետք է լինեն տնտեսական իրավունքի ու անձեռնմխելիության գործոններ, որոնք պետք է ունենա կապիտալը՝ հատկապես արտասահմանյանը։ Մենք արտասահմանյան կապիտալ ներգրավելու մեծ ապագա չունենք, և եթե մենք դիտարկում ենք այս տեսակետից, ապա այդ գործիքը լավագույնը չէ օտարերկրյա կապիտալ կամ կապիտալ ներգրավելու տեսակետից։Ես դրա համար հարցադրումը դնում եմ այս կերպով. եթե անգամ սոցիալական համախմբման տեսակետից աղաղակող անարդարություն կա, որ բոլորը տեսել են և ակնկալում են, որ դա պետք է ուղղվի, կարելի է այդ օրենքը օգտագործել միայն մեկ կամ երկու դեպքով։Բայց դա շատ հստակ պետք է ունենա վերջնաժամկետ, որ դրանից հետո մարդիկ վստահ լինեն, որ բնականոն տնտեսական գործունեության մեջ են տեղափոխվում, վստահ լինեն, որ արտաիրավական ու արտատնտեսական բնույթի հարցադրումներ գույքի վերաբերյալ չկան»,-ասաց ՀՀ նախկին փոխվարչապետը։
Նա ասաց,որ եթե սա կոռուպցիոն վտանգի տեսակետից պետք է նայել, ապա դա այլ տեսակետ է և դրա մեջ չի ուզում խորանալ։
Հարցին,թե վարչապետն ասում է,որ մեծ թվով բռնագանձված գումարներ են վերադարձվում բյուջե,Վաչե Գաբրիելյանն ասաղ. «Ես երբևէ դրանով չեմ հետաքրքրվել,ես տեղը չգիտեմ,բայց որքան հասկանում եմ այդ գումարները բյուջե չեն մտնում»։ Հարցին,թե բա ո՞ւր են գնում,Վաչե Գաբրիելյանն ասաց’ պաշտպանության մասով գուցե։ Դիտարկմանը, թե միայն մեկի՝ Ալեքսանդր Սարգսյանի մասով են ասել, որ բռնագանձած գումարն ուղղվել է պաշտպանության ծախսերին,Վաչե Գաբրիելյանն ասաց. «Ես տեղյակ չեմ,կարող է կա,կարող է չկա,ես դրան երբեք չեմ հետևել»։