News 1 Աշխարհ Արցախ Գլխավոր Հայաստան Հասարակություն Մամուլ Մշակույթ

Շուշիից Ստեփանակերտ, կամ մի նկարի պատմություն

Գեղանկարիչ Սևադա Սարգսյանը յոթ ամիս շարունակ համոզված էր, որ իր՝ տարիներ առաջ Շուշիի կերպարվեստի թանգարանին նվիրած «Հաղթական առավոտ» կտավը գերության մեջ է: Բարձրաձայնել հարմար չէր գտնում զոհվածների, անհետ կորածների ու գերության մեջ գտնվողների համապատկերում: Սակայն…
Օրերս, երբ Ստեփանակերտի պատկերասրահի ՖԲ էջում հանդիպեց մի լուսանկարի, անակնկալից ու զարմանքից մի պահ կարկամեց, ապա.
-Իմ նկա՜րը…
Ինչպե՞ս… Ինչպե՞ս էր հայտնվել Ստեփանակերտում, ի՞նչ հրաշքով էր փրկվել…
Սևադա Սարգսյան.Հաղթական առավոտ 70×80 կտ.յուղ.
Շուշիի կերպարվեստի թանգարանի տնօրեն Լուսինե Գասպարյանի օգնությամբ պարզվեց, որ նկարը թանգարանի մի քանի այլ նմուշների հետ մինչև պատերազմի սկսվելը ժամանակավոր ցուցադրության էր ներկայացվել Ստեփանակերտի պատկերասրահում, և այդպես էլ մնացել էր: Այսքան չսպասված, բայց ցանկալի հանդիպումը հեղինակի համար մի տեսակ համոզմունք է դարձել, որ մի հաղթական առավոտ էլի կբացվի Շուշիի համար, և նկարը կվերադառնա իր տեղը:
Լիլիթ Ավետիսյան

Կարդացեք նաև

Երբ աշխատանքային վերելքը պայմանավորված է պատվախնդրությամբ ու աշխատելու պատրաստակամությամբ

superuser

Արցախահայությունը երբեք չի հաշտվի Շուշիի կորստի հետ. ԱԳՆ-ի հայտարարությունը

superuser

Նարեկ Մկրտչյանը նշանակվեց ՀՀ աշխատանքի և սոցիալական հարցերի նախարար

superuser