Պակիստանի 106-ամյա բնակչուհին ապաքինվել է՝ կորոնավիրուսի դելտա շտամով վարակվելուց հետո։ Այս մասին հայտնում է ARY News հեռուստաալիքը։
Հասին Բիբին բուժում է ստացել Կարաչի քաղաքի հիվանդանոցներից մեկում։ Նրա ապաքինման առիթով հարազատներն ու հիվանդանոցի աշխատակազմը հավաքվել են տորթի շուրջ։
Դելտա շտամը հուլիսի առաջին կեսին գերակայող է դարձել Եվրոպայի երկրների մեծ մասում։
Այն առաջին անգամ հայտնաբերվել է Հնդկաստանում 2020 թվականի հոկտեմբերին, իսկ այնուհետև ի հայտ են եկել դրա երեք ենթատեսակները։