Blic.am-ի խմբագրություն է դիմել ՝ «Արտաշատ իրավապաշտպան» ՀԿ նախագահ Արուս Հովհաննիսյանը:Նամակը ներկայացնում ենք առանց խմբագրման.
«Հարգելի խմբագրություն, բազմիցս բարձրաձայնել եմ Արարատի մարզի Ազատավան համայնքի ԲՀԿ-ական ղեկավար Պետիկ Ղազարյանի ապօրինությունների մասին, սակայն իշխանություններն ու իրավապահ մարմինները անարձագանք են թողել իմ բողոք-դիմումները: ՀՀ ոստիկանության Արտաշատի տարածաշրջանի բաժանմունքում գյուղապետին պաշտպանում են ու անտեսում նրա կատարած ապօրինությունները,քանի որ խնամիական կապ կա Ազատավանի գյուղապետ Պետիկ Ղազարյանի և Արտաշատի ոստիկանության պետի տեղակալ ՝ Արամայիս Վահանյանի միջև:Ես բազմիցս դիմել եմ ՝տարբեր բարձր ատյաններ ու բազմաթիվ պաշտոնյաների՝ Սուրեն Պապիկյանին, Ալեն Սիմոնյանին, Արարատի իրար հաջորդող մարզպետներին, սակայն գյուղի բարձիթողի վիճակը դրանից չի փոխվել: Լսելի չեն նաև գյուղի մյուս բնակիչների բազմաթիվ բողոքները:
Կարևորը, Ղազարյանը իր պաշտոնը ծառայեցնում է իր ու իր ազգականների համար շահավետ պայմաններ ստեղծելով:Համայնքի պահուստային հողերը տվել է վարձակալության իր ազգականներին հորեղբոր տղային՝ 25 տարի ժամկետով , մյուսներին այդ թվում մեզ և իմ նմաններին մեկ տարով և ամեն տարի պայմանագիրը երկարացնելու պայմանով: Վերջերս իմացանք, որ մեր վարձակալած հողերը առանց մեզ զգուշացնելու օտարել ու վաճառել է: Ցանկանում էինք ցորեն ցանել, բայց նա թույլ չտվեց, ասելով,որ արդեն իմ վարձակալած հողակտորը վաճառել է: Իմ նման մի քանի այլ խաբված վարձակալներ պատրաստվում են գյուղապետի որոշումների դեմ բողոքի ձայն բարձրացնել հնարավոր բոլոր միջոցներով: Պետիկ Ղազարյանի քույրերը աշխատանքի են անցել մանկապարտեզում,իսկ որդին՝ Լևոն Ղազարյանը կամայականորեն, սեփական շահի համար օգտագործում է գյուղապետի ծառայողական ավտոմեքենան:
Խմելու ջրագծերը ինքնանապատակ շահագործելը, կանգառի հարակից տարածքի թթենու ծառերի ապօրինի ծառահատումները, մանկապարտեզի շենքի ձեռքբերումը աստղաբաշխական գումարներով, մնում են անպատիժ:
Իսկ այն, որ նա իր սեփական խանութները կառուցել է դպրոցի դիմաց փակելով դպրոցի դիմքը և խախտելով էսթետիկ տեսքը , պատկան ատյանների պետքը չէ:
Ազատավան համայնքի գյուղապետի կատարած ապօրինությունները բազմաթիվ են, որոնց մասին ես ինքս էլ բազմիցս ահազանգել եմ, բայց դրանք մնացել են անարձագանք:
Հարգելի խմբագրություն, դիմում եմ Ձեզ,հուսալով, որ պատկան ատյանները վերջապես կլսեն Ազատավան համայնքի բնակիչների գերակշիռ մասի բողոքը, ուսումնասիրություններ կկատարեն և կհանգեն համապատասխան հետևությունների:
Հարգանքներով՝ «Արտաշատ իրավապաշտպան» ՀԿ նախագահ Արուս Հովհաննիսյան»: