ԱՄՆ-ի Գլենդել քաղաքի Kids TEEN Dental Plass ատամնաբուժական կլինիկայի մանկական ատամնաբույժ Վիկտորիա Մուրադյանը /Doktor Viktoria Muradyan/ երկար տարիներ աշխատում է նաև մանկահասակ տարիքի երեխաների հետ: Իսկ ինչպես հայտնի է փոքրիկների հետ աշխատանքը ամենադժվարինն ու պատասխանատուն է, և պահանջում է առաջին հերթին գտնել երեխայի սիրտը տանող ճանապարհը: Փոքրիկները փորձառու բժշկուհուն վստահում են հենց առաջին հանդիպումից, վստահում են անվերապահորեն:
Հարգելի խմբագրություն, ցանկանում եմ ձեր լրատվամիջոցով շնորհակալություն հայտնել բժշկուհի Վիկտորիա Մուրադյանին՝ երեխաներիս հանդեպ ցուցաբերած ջերմ ու հոգատար վերաբերմունքի համար: Բժշկուհին մասնագիտական հմտություններին զուգահեռ, ունի բալիկների հետ աշխատելու իր սեփական բանաձևը և այնքան նրբորեն է նախապատրաստում երեխային, որ նա մոռանում է ատամնաբույժին դիմելու նախօրոք ունեցած վախերը: Բժշկուհի Վիկտորիա Մուրադյանի մոտից թե բալիկները, թե ծնողները հեռանում են երախտիքի մեծ զգացումով՝ իրենց հետ տանելով առողջ ատամնաշար և գեղեցիկ ժպիտ ունենալու բժշկուհու խորհուրդները:
Շնորհակալություն եմ ուզում հայտնել նաև բժշկուհի Անիին/Dr Ani / և անեստեզիոլոգ Քինգին /Dr.Qing/
Ցանկանում եմ շնորհակալություն հայտնել նաև Kids TEEN Dental Plass ատամնաբուժական կլինիկայի տնօրինությանը՝ կլինիկայում նման բարձրակարգ մասնագետներ ունենալու և նրանց աշխատանքը ըստ արժանվույն գնահատելու համար:
Լիլիթ Ավետիսյան