«Ժողովուրդ» օրաթերթը գրում է. Հայաստանում վերջին երեք տարիների ընթացքում աճել է ինքնասպանություն կատարած անձանց թիվը։
2021 թվականին ինքնասպանություն գործած անձանց թիվը կազմել է 281 մարդ, 2022-ին՝ 312 մարդ, 2023-ին՝ արդեն 302 մարդ։ ՀՀ վիճակագրական կոմիտեի կողմից հրապարակված ցուցանիշները խոսում են այն մասին, որ առաջին տեղում ինքնասպանություն գործել են 30-65 տարեկան անձինք, երկրորդ տեղում 18-29 տարեկան անձանց խումբն է։ Ինքնասպանության փորձ կատարած անձանց խմբում էլ առաջին տեղում նույնպես 30-65 տարեկան անձինք են։
Ըստ վերջին ժամանակներում հրապարակված տեղեկությունների՝ Հայաստանում տեղի ունեցած ինքնասպանության դեպքերի մասնակիցները հիմնական 18-29 տարեկանների սահմանում գտնվող անձինք են։ Նման օրինակ են վերջերս Զինված ուժերում երկու օրում 2 ինքնասպանության դեպքերը, որին նախորդել է 2 երիտասարդների ինքնասպանությունը, որից հետո մեծ աղմուկ բարձրացավ, մեղադրանքներ հնչեցին նրանց հասցեին, և թիրախավորվեցին նման սեռական կողմնորոշում ունեցող անձինք։ Բանակում տեղի ունեցող ճնշումների և կոնֆլիկտների պատճառով ստիպողաբար կյանքից են զրկում։
Այսինքն՝ հասարակության ճնշումների պատճառով քաղաքացիները կարող են ինքնասպան լինել։ Կա տեսակետ, որ քաղաքացիների որոշ մասը սոցիալական պայմանների և խնդիրների պատճառով է ինքնասպանության դիմում։ Դեպքերի մի մասն էլ կատարվում է հուզական ֆոնի վրա, որի օրինակ է վերջերս երեխայի մահվան պատճառով ինքնասպան եղած մայրը։
Ըստ այս տվյալների՝ ինքնասպանություն գործած քաղաքացիների մեծ մասը արական սեռի ներկայացուցիչներ են, սրան գումարվում են նաև Զինված ուժերում տեղի ունեցած ինքնասպանությունները։
Հրապարակելով այս տվյալները՝ ցավոք, դրանց պատճառների մասին որևէ վիճակագրական տվյալներ ներկայացված չեն։
Ամբողջությամբ հոդվածը՝ «Ժողովուրդ» օրաթերթի այսօրվա համարում