ՀՖՖ-ն կարգապահական վարույթ է հարուցել Արարատ-Արմենիա — Նոա խաղում գրանցված միջադեպերի վերաբերյալ:
Այս մասին տեղեկանում ենք Հայաստանի ֆուտբոլի ֆեդերացիայի տարածած հայտարարությունից:
«Fastex Պրեմիեր լիգայի 2024/25 մրցաշրջանի հոկտեմբերի 28-ին կայացած 13-րդ մրցափուլի «Արարատ-Արմենիա»-«Նոա» խաղի ընթացքում և դրանից հետո «Արարատ-Արմենիա» և «Նոա» ֆուտբոլային ակումբների ֆուտբոլային սուբյեկտների կողմից իրականացվել են ենթադրյալ կարգապահական խախտումներ:
Այս կապակցությամբ ՀՖՖ Կարգապահական և էթիկայի կոմիտեն հոկտեմբերի 29-ին կայացած նիստում հարուցել է կարգապահական վարույթներ»,-ասված է հայտարարության մեջ: