Այս պահին Ազգային ժողովում մեկնարկել է Նիկոլ Փաշինյանի հանդիպումը ԱԺ Հայ հեղափոխական դաշնակցության հետ։
Լրագրողների համար բանակցությունները փակ են, և ավարտից հետո կողմերը կպատասխանեն լրագրողների հարցերին։
Հիշեցնենք, որ այսօր` ավելի վաղ, Նիկոլ Փաշինյանը հանդիպում է ունեցել նախ ԱԺ «Ծառուկյան» խմբակցության հետ։
Հանդիպումից հետո խմբակցության մամուլի քարտուղարը հայտնեց, որ իրենց խմբակցությունից Նիկոլ Փաշինյանը վարչապետի ընտրության ժամանակ կստանա 31 ձայն։