Ես կխնդրեի որ այսպես ապոկալիպտիկ պնդումներ չանենք, որովհետև դա միշտ լավ չէ և ուզում եմ արձանագրել այն մարտահրավերները, որոնց դիմագրավել ենք այս ճգնաժամի ընթացքում: Այս մասին ՀՀ վարչապետ Նիկոլ Փաշինյանը Ֆեյսբուքյան ուղիղ եթերոում պատասխանելով քաղաքացիներից մեկի՝ գների աճի վերաբերյալ հարցին:
Վարչաետը նշեց, որ Հայաստանում նախաճգնաժամին ընթացքում ցածր գնային ֆոն է եղել: «Խոշոր առևտրային ցանցերում ընդհանրապես հացի թանկացում տեղի չի ունեցել իմ ունեցած տվյալներով, որոշ ապրանքների որոշ թանկացումներ տեղի են ունեցել, այդ թանկացումները մեզ անհանգստացնում են, և ես կասեմ, թե ինչ հակաթանկացումային քայլեր ենք ձեռնարկել»,- ասաց նա և նշեց որ թանկացումների մի մասը արտաժույթի տատանումների հետ կարող է կապված լինել և դրա համար ներկրողներին տալիս են արտոնյալ վարկեր, ինչով աջակցում են արտաժութային ռիսկերից:
Վարչապետն ասաց, որ ԵԱՏՄ շրջանակներում պայամանվորվել են ալելի քան 600 ապրանքների համար մաքսատուրքը իջեցնեն՝ վերադարձնելով նախկին մակարդակին առաջիկա վեց ամիսների համար: Նա նշեց, որ այս երևույթները կմեղմեն գնաճը, ամեն ինչ կանեն, որպեսզի անտրամաբանական գնաճներ տեղի չունենա:
«Ես խնդրում եմ, եկեք չվախեցնենք ինքներս մեզ, որ սով կլինի, էս կլինի, Հայաստանը բերրի, բերքառատ երկիր է, հայ ժողովուրդն աշխատող է, իրար հետ դժվարությունները կհաղթահարենք: Հայաստանն ունի բավարար պաշարներ»,- ասաց նա:
Անդրադառնալով այն անձանց աշխատանքի խնդրին, որոնք թոշակի տարիքում չեն, բայց աշխատանք չունեն, Նիկոլ Փաշինյանն ասաց.«Իմ պատկերացմամբ 55, 59, 65 և ավելի տարիքի մարդիկ 21-րդ դարում, իմ կարծիքով, լիարեժք աշխատունակ մարդիկ են: Մեր նպատակը ոչ թե պետք է լինի այս տարիքային խմբի մարդկանց թոշակով կամ նպաստով ապահովելը, այլ նրանց հետ աշխատելը, նրանց հմտությունները զարգացնել, որ աշխատաշուկային ավելի մրցունակ լինեն, և առաջիկայում առավելագույնը կանենք այդ առումով»: