Ավելի քան 1.5 մլն դիտում. «Pen-Pineapple-Apple-Pen» հիթը «պայքարում է» կորոնավիրուսի դեմ.

YouTube-ում հրապարակվել է ճապոնացի հումորիստ Պիկո Տարոյի «PPAP» (Pen-Pineapple-Apple-Pen) 2016թ.-ի հիթի ձեւափոխված տարբերակը։ Այժմ երգը նվիրված է կորոնավիրուսի դեմ պայքարին։

«Գրիչ», «արքայախնձոր», «խնձոր», «գրիչ» բառերի փոխարեն կատարողն օգտագործում է «ձեռք», «օճառ», «լվա, լվա, լվա» արտահայտությունները, իսկ Pen-Pineapple-Apple-Pen բառակապակցությունը փոխարինված է Pray for people and peace-ով («Աղոթիր մարդկանց ու խաղաղության համար»)։