ԱՄՆ-ում վերջին օրվա ընթացքում կորոնավիրուսից մահացել է 1557 մարդ: Այս մասին տեղեկացնում է «ՌԻԱ Նովոստի» գործակալությունը` հղում տալով Ջոնս Հոփկինսի համալսարանի տվյալներին:
Ներկայում ԱՄՆ-ում կորոնավիրուսի հետևանքով գրանցված մահվան դեպքերի քանակը 22 079 է: Միացյալ Նահանգների կորոնավիրուսի զոհերի թվով առաջ է անցել Իտալիայից և այժմ առաջին տեղում է:
Վարակման դեպքերի ընդհանուր քանակն ԱՄՆ-ում հասել է 557 300-ի, վիրուսն ամենաշատը տարածված է Նյու Յորք նահանգում: Վերջին տվյալներով՝ երկրում կորոնավիրուսից ապաքինվել է ավելի քան 41 700 մարդ:
Առողջապահության համաշխարհային կազմակերպությունը մարտի 11-ին նոր կորոնավիրուսը համավարակ էր հայտարարել: Վերջին տվյալներով՝ աշխարհում գրանցվել է վարակման 1 853 505 դեպք, 114 257-ը՝ մահվան ելքով, ապաքինվել է 423 728 մարդ։ Համաճարակի օջախ Չինաստանի սահմաններից դուրս վարակը տարածվել է 210 երկրում: