NewDent ատամնաբուժական կլինիկայի բժիշկ-ստոմատոլոգ Վերոնիկա Ղազարյանը երկար տարիներ աշխատում է նաև մանկահասակ տարիքի երեխաների հետ: Իսկ ինչպես հայտնի է փոքրիկների հետ աշխատանքը ամենադժվարինն ու պատասխանատուն է, և պահանջում է առաջին հերթին գտնել երեխայի սիրտը տանող ճանապարհը: Փոքրիկները փորձառու բժշկուհուն վստահում են հենց առաջին հանդիպումից, վստահում են անվերապահորեն:
Հարգելի խմբագրություն, ցանկանում եմ ձեր լրատվամիջոցով շնորհակալություն հայտնել բժշկուհի Վերոնիկա Ղազարյանին՝ երեխաներիս հանդեպ ցուցաբերած ջերմ ու հոգատար վերաբերմունքի համար: Բժշկուհին մասնագիտական հմտություններին զուգահեռ, ունի բալիկների հետ աշխատելու իր սեփական բանաձևը և այնքան նրբորեն է նախապատրաստում երեխային, որ նա մոռանում է ատամնաբույժին դիմելու նախօրոք ունեցած վախերը: Բժշկուհի Վերոնիկա Ղազարյանի մոտից թե բալիկները, թե ծնողները հեռանում են երախտիքի մեծ զգացումով՝ իրենց հետ տանելով առողջ ատամնաշար և գեղեցիկ ժպիտ ունենալու բժշկուհու խորհուրդները:
Ցանկանում եմ շնորհակալություն հայտնել նաև NewDent ատամնաբուժական կլինիկայի տնօրինությանը՝ Վերոնիկա Ղազարյանի նման մասնագետներ ունենալու և նրանց աշխատանքը ըստ արժանվույն գնահատելու համար:
Անի Շահբազյան