Երբ հանգամանքների բերումով փոքրիկս հայտնվեց «Արաբկիր» բժշկական կենտրոնում, չէի էլ պատկերացնում, որ այստեղ կհանդիպեմ փոքրիկների առողջության հարցում այդքան նախանձախնդիր ու նվիրված բուժաշխատողների։ Հիվանդանոցի անհետաձգելի բուժոգնության բաժանմունքի ղեկավար Լիլիթ Վարդանյանը բժիշկ-մանկաբույժ է բառի ամենաընդգրկուն իմաստով: Բարի, հոգատար և փորձառու բժշկուհին ջանք ու եռանդ չի խնայում կլինիկայում գտնվող երեխաների բուժումը արդյունավետ կազմակերպելու համար: Երախտիքի խոսքերը քիչ են՝ արտահայտելու այն, ինչ զգում է յուրաքանչյուր ծնող՝ սիրելի փոքրիկի ապաքինումը հուսալի ձեռքերում տեսնելով։ Սիրելի Լիլիթ Վարդանյան, Դուք մեր երեխաներին տալիս եք լավագույնը, Դուք միշտ մեր կողքին եք, Ձեր օգնության կարիքն ունեցող բալիկներին շրջապատելով ջերմ հոգատարությամբ և պատասխանատվության բարձր գիտակցումով մոտենալով Ձեզ վստահված աշխատանքին:
Կրկին ու կրկին Շնորհակալություն Ձեզ, սիրելի Բժշկուհի
Անի Շահբազյան
Երբ բժիշկ-մանկաբույժ են բառի ընդգրկուն իմաստով
