Մեր տեղեկություններով՝ ԱԱԾ նախկին պետ, «Հայրենիք» կուսակցության նախագահ Արթուր Վանեցյանը օրերս մեկնել է Ռուսաստանի Դաշնություն և տևական ժամանակ բնակվելու է այնտեղ: Հնարավոր է նրա մեկնումը պայմանանվորված է այն հանգամանքով, որ իշխանությունները կրկին հետաքրքրություն են դրսևորել Վանեցյանների ընտանիքի հանդեպ: Մասնավորապես, օրերս մամուլում լուրեր շրջանառվեցին այն մասին, որ Վանեցյանի եղբոր հանդեպ քրեական վարույթ է հարուցվել: Ըստ մեղադրանքի՝ Կ․ Վանեցյանը «հանցավոր ճանապարհով ստացված գույք է օրինականացրել» (փողերի լվացում):
Իսկ հիմա «Հայրենիք» կուսակցության նախագահը մոռանալով, որ ոչ հեռու անցյալում զինվորագրվել էր հայրենիքը փրկելու գաղափարին, այժմ էլ զբաղված է սեփական անձը փրկելու գործով և քրեական հետապնդումից խուսափելու համար հեռացել է Հայաստանից: Հուսանք, որ այդուհանդերձ նա հավատարիմ է մնացել իր սկզբունքին՝ «Կրիմ նաշ, կրիմ վաշ»-ի տրամաբանությանը։
Հայկանուշ Գրիգորյան