Արդեն մոտ 3 ամիս է՝ որոշ գործարաններ, որոնց կարիքն ունի ՊՆ-ն, չեն աշխատում: Այս մասին այսօր կառավարության հետ հարցուպատասխանի ժամանակ ասաց «Իմ քայլը» խմբակցության պատգամավոր Գեւորգ Գորգիսյանը եւ խնդրեց պարզաբանել այս իրավիճակը:
Պաշտպանության նախարար Դավիթ Տոնոյանը պնդեց, որ իրենց գնումների գործընթացում մոտ 20%-ի չափով ձեռքբերումներ են իրականացվում ներքին շուկայից:
«Ես հիմա չեմ կարող ասել, թե ինչու են պարապուրդի այդ կազմակերպությունները, չգիտեմ՝ ինչքանով է դա հիմնավոր, բայց ՊՆ-ն ամեն կերպ խրախուսում է ներքին արտադրությունները»,- ասաց նախարարը՝ հավելելով, որ գուցե պատճառն այն է, որ տարվա սկիզբ է, պատվերների ձեւավորման եւ մրցույթների փուլ է: