Էկվադորի ղեկավարության եւ պաշտոնատար անձանց աշխատավարձը կկրճատվի` երկրում կորոնավիրուսի տարածման հետ կապված իրավիճակի ֆոնին, հայտնել է նախագահ Լենին Մորենոն, փոխանցում է «ՌԻԱ Նովոստի»-ն:
«Ես որոշեցի 50 տոկոսով իջեցնել նախագահի, փոխնախագահի, նախարարների եւ փոխնախարարերի ամսական աշխատավարձը: Դա կանեն նաեւ բոլոր պաշտոնատար անձինք եւ խորհրդարանականները»,- գրել է նա Twitter- ում:
Երկրում հաստատվել է կորոնավիրուսով վարակման 7466 դեպք, մահացել է 333 մարդ: