Համավարակի այս օրերին, երբ տնտեսությունը անկում է ապրում և մարդկանց սոցիալական վիճակը դառնում է օրհասական, պարզվում է քիչ չեն բարի կամքի տեր անհատներն ու կազմակերպությունները, որոնք հնարավորինս փորձում են մեղմել առաջացած դժվարությունները: Այսօր «Նեվրոզների կլինիկա» փակ բաժնետիրական ընկերությունը
«Ամբրա» հոգեկան բարեկեցության կենտրոն հասարակական կազմակերպությունյան կողմից և Հայկական բժշկական ասոցիացիայի նախագահ Արմեն Սողոյանի համատեղ օգնությամբ նվիրատվություն է ստացել անհատական պաշտպանիչ միջոցներ , ախտահանիչ նյութեր և այլ պարագաներ: Հատկապես ստեղծված իրավիճակում գնահատելի է նման աջակցությունը, ինչը արժանացել է կլինիկայի աշխատակիցների և նրա տնօրենի, բազմավաստակ հոգեթերապևտ Ցոլակ Հակոբյանի շնորհակալությանը: Շնորհակալության խոսքում մասնավորապես ասված է. «Նեվրոզների կլինիկա» ՓԲԸ-ի աշխատակազմը ի դեմս տնօրեն Ցոլակ Հակոբյանի հայտնում է իր խորին երախտիքը՝ կլինիկային ցուցաբերած աջակցության և հոգատար վերաբերմունքի համար:
Մենք խնդրում ենք բոլորին պահպանել առողջությունը, այն միայն ձեր ձեռքերում է: