Առաջիկայում առնվազն 150 մլրդ դրամի Կառավարությունը աջակցություն կցուցաբերի տնտեսությանը․ Նիկոլ Փաշինյան

Առաջիկայում առնվազն 150 մլրդ դրամի Կառավարությունը աջակցություն կցուցաբերի տնտեսությանը։ Այս մասին «Շանթ» հեռուստաընկերության «Հեռանկար» հաղորդաշարին տված հարցազրույցում ասաց վարչապետ Նիկոլ Փաշինյանը։

Նրա խոսքով՝ աջակցությունը կլինի մի քանի փուլով։ Առաջին փուլով 25 մլրդ դրամ կհատկացվի և այն մի քանի օրվա ընթացքում գործնականում հնարավոր կլինի կիրառել։

«Մենք ուզում ենք այնպիսի միջոցներ ձեռնարկել, որոնց արդյունքում ոչ միայն բիզնեսին կաջակցենք, այլև կոնկրետ մարդկանց՝ համոզված լինելով, որ մեր աջակցությունը կհասնի կոնկրետ մարդկանց։ Ծրագիրը հետևյալն է՝ այն ընկերությունները, որոնք դրամական արտահայտությամբ վարկ կվերցնեն հայաստանյան բանկերից, իրենց աշխատողների աշխատավարձը վճարելու, իրենց հարկային պարտավորությունները կատարելու, կոմունալ վճարներն անելու համար, Կառավարությունը այդ վարկի 50 տոկոսը կհամաֆինանսավորի 0 տոկոսով։ Իսկ բանկի հատվածի տոկոսը կսուբսիդավորի, որպեսզի այդ հատվածը նույնպես լինի 0 տոկոսով»,- հայտնեց վարչապետը։