Ազգային ժողովում մեկնարկած ՀՀԿ արտահերթ նիստի ընթացքում ՀՀԿ-ական պատգամավոր Խոսրով Հարությունյանը Փաշինյանից հետաքրքվեց՝ Կառավարության ապագա կազմն ինչպես է ձևավորվելու, ովքեր են լինելու փոխվարչապետերն ու նախարարները, մասնավորապես՝ Պաշտպանության նախարարը:
Փաշինյանի խոսքով՝ այդ հարցին պատասխանելու համար պետք է արձանագրվի այն հենարանը, որն ուղղակի կամ անուղղակի դառնալու է վարչապետի ընտրություն իրականացնող. «Քվեարկությունից հետո կարձանագրվի այդ շրջանակն ու կառավարության կազմը պետք է ձևավորվի այդ շրջանակի հետ քննարկումների արդյունքում», – նշեց Փաշինյանը:
Նա նաև նկատեց, որ իրենք ունեն իրենց կադրերը, մինչդեռ բոլորովին էլ նպատակ չունենք կադրային ջարդ իրականացնել.
«Մենք ունենք կադրային բազա, բայց չենք գալիս կադրային ջարդ անելու, «ոչ մերոնքականներին» «մերոնքականներով» փոխարինելու: Ձեր հարցի պատասխանը կախված է վաղվա քվեարկությունից», – ասաց նա:
Կարդացեք նաև:
Երբ կենսագրությունը արժևորվում է կատարած գործով
Առանց պայքարելու Նիկոլ Փաշինյանի ապագա խոստացած իշխանությունը հող է հանձնում թշնամուն՝ նվազեցնելով մ...
Թագուհի Թովմասյանը հանդիպել է ԱԺ «Ամառային դպրոց» ծրագրի մասնակիցների հետ
Ավետիք Չալաբյանին կալանքի տակ պահելը քաղաքական վրեժխնդրության հստակ դրսևորում է. Թագուհի Թովմասյան